Nas kubar ta wilayat al tabi le IGAD amulu ijtima yom sebit wa ahad al fat beinu reis Salva Kiir wa kaid ta muarada dictoor Riak Machar ashan umon bi tafik ashan hilu moudu ta wilayat. Fi yom al awel lejina wodi iktirah gali keli nagisu adad ta wilayat min etnin wa teletin le talata wa iserin,wa fi yom al tani munakasha tomon kan gi rekiz fi nagisu wilayat min talata wa iserin le ashara ze ta bediri de wa kaman bi zidu fogo itnin manatik idariya ta Pibor wa Abyei. Kalam de nas muarada wa lejna ta wuzaraa al fi IGAD rudu lakin hukuma ta Kiir ma tafik fogo huwo asalu talata yom ashan umon bi nakish ma nas fi Juba.Ijtima de ajilu le yom kamistasar ta sahaar de.